Kosova U-18 zhvillon ndeshjen e parë në Kampionatin Evropian

18:16 | 26 Korrik 2019
A. B.

Kombëtarja e Kosovës në Basketboll, gjenerata U-18, ka zhvilluar ndeshjen e parë në Kampionatin Evropian, Divizioni B, i cili po mbahet në Rumani.

Në takimin e parë, Kosova është përballur me kombëtaren e Hungarisë, ndaj së cilës ka pësuar me rezultatin 57:58, shkruan lajmi.net.

Përkundër humbjes, Dardanët kanë zhvilluar një ndeshje mjaft të mirë, duke qenë në shumë minuta të barabartë me kundërshtarin.

Nga skuadra kosovare më i dalluari ishte Erhan Sholla me 18 pikë, si dhe Albin Berisha që shtoi 11 sosh.

Sfida e radhës për djelmoshat kosovarë do të jetë ajo kundër Suedisë, e cila luhet të shtunën, me fillim nga ora 15:15.

Shpërndaje në rrjete sociale

Lajmet më të lexuara

Të ngjashme

Foto lajm